Get the latest news at
your fingertips!
Download our app now
LIVE TV
Search
ധ്രുവ് വിക്രമിനെ നായകനാക്കി മാരി സെൽവരാജ് ഒരുക്കിയ സ്പോർട്സ് ഡ്രാമ ചിത്രമാണ് ബൈസൺ. മികച്ച പ്രതികരണം നേടുന്ന സിനിമ ബോക്സ് ഓഫീസിലും മികച്ച പ്രകടനമാണ് കാഴ്ചവെക്കുന്നത്. ഇപ്പോഴിതാ സിനിമയിലെ ധ്രുവിന്റെ കഠിനാധ്വാനത്തെ പ്രശംസിച്ചിരിക്കുകയാണ് ചിയാൻ വിക്രം. മകനിൽ അഭിമാനിക്കുന്നു എന്ന കുറിപ്പോടെ നടൻ സോഷ്യൽ മീഡിയയിൽ പങ്കുവെച്ച വീഡിയോ ശ്രദ്ധ നേടുകയാണ്. ബസിന്റെ വേഗതയ്ക്കൊപ്പം ഓടുന്ന ധ്രുവിനെ വിഡിയോയിൽ കാണാം. ഇടയ്ക്ക് ബസ് സ്പീഡ് കൂട്ടുന്നതും ധ്രുവ് ഇതിനനുസരിച്ച് വേഗതയിൽ ഓടുന്നതും കാണാം. കഥാപാത്രത്തിന് വേണ്ടി ധ്രുവ് ഏറ്റെടുത്ത വെല്ലുവിളിയെ ആരാധകർ അഭിനന്ദിക്കുകയാണ്.
അതേസമയം, പാ രഞ്ജിത്തിന്റെ നീലം സ്റ്റുഡിയോസിനൊപ്പം അപ്ലോസ് എന്റർടൈൻമെൻറ്സും ചിത്രത്തിന്റെ നിർമ്മാണത്തിൽ പങ്കാളികളാകുന്നു. ചിത്രത്തിന്റെ തമിഴ്നാട് തിയേറ്ററിക്കൽ റൈറ്റ്സ് 15 കോടിയ്ക്കാണ് വിറ്റുപോയതെന്നാണ് റിപ്പോർട്ടുകൾ. ഒപ്പം 18 കോടി രൂപയ്ക്കാണ് സിനിമയുടെ ഡിജിറ്റൽ സ്ട്രീമിങ് അവകാശം വിറ്റുപോയത്. ഇതുകൂടി കൂട്ടുമ്പോൾ റിലീസിനും ഒരു മാസം മുൻപ് തന്നെ ചിത്രം ലാഭം നേടിയിരിക്കുകയാണ്. ഏഴ് കോടിയാണ് സിനിമയുടെ ബജറ്റ് എന്നാണ് റിപ്പോർട്ട്.
ധ്രുവിനെ കൂടാതെ അനുപമ പരമേശ്വരൻ, ലാൽ, കലൈയരസൻ, രജിഷ വിജയൻ തുടങ്ങിയവരും അണിനിരക്കുന്നു. ചിത്രത്തിന് സംഗീതം നൽകുന്നത് നിവാസ് കെ പ്രസന്നയാണ്. ഏഴിൽ അരസ് ആണ് ഛായാഗ്രഹണം. ആർട്ട് കുമാർ ഗംഗപ്പൻ, എഡിറ്റിങ് ശക്തികുമാർ. കോസ്റ്റ്യൂം ഏകൻ ഏകംബരം. ആക്ഷൻ ദിലീപ് സുബ്ബരായൻ.
Content Highlights: Chiyaan Vikram congratulates his son Dhruv
